પૂજ્ય તપસ્વી શ્રી જગજીવનજી મહારાજ સાહેબના સંથારા બાદ શ્રી પૂર્વ ભારત સ્થાનકવાસી જૈન સંઘની સ્થાપના કરવામાં આવી. અને ત્યારે સમસ્ત સમાજના શ્રાવકોનો મત થયો જે રાજગીરમાં પૂજ્ય તપસ્વીજી મહારાજનું એક કાયમી સ્મારક હોવું જોઈએ તેમજ શ્રી સંઘનું પોતાનું એક "આરોગ્ય ભવન" પણ રાજગીરમાં હોવુ ં જોઈએ. પૂ. શ્રી જયંતિલાલજી મ.સા. ના ૧૯૭૨ના કલકત્તા ખાતેના ચાતુર્માસ દરમ્યાન આ વિચારને મુર્તવાંત બનાવી. રાજગીર ખાતે જમીન ખરીદી. કલકત્તા સંઘના અગ્રણીઓએ એકત્રિત થઇ સર્વેના સહયોગ દ્વારા કાર્યે વેગવંત બનાવી સુંદર એવા "કેશવલાલ ખંડેરિયા આરોગ્ય ભવન" નું નિર્માણ કર્યું. રાજગીરની બન્ને પ્રતિષ્ઠિત કોઠી- શ્રી દીગંબર જૈન કોઠી તથા શ્રી શ્વેતાંમ્બર જૈન કોઠીની બાજુમાં જ રાજગીર નગરીની એકદમ મધ્યમમાં આવેલ આપણું આ ભવન સમસ્ત સ્થાનકવાસી જૈન પરિવારોને વિશ્રામ અર્થે એક અતિ આવશ્યક સ્થાન બની ગયેલ છે.